بەکارهێنانی مۆبایل لەکاتی شۆفێریدا تووشی کارەساتت ئەکات         □ شۆفێری بەڕێز: بەستنی پشتێنی دڵنیایی ژیانت ئەپارێزێت         □ شۆفێری بەڕێز: خێرایی زۆر بەرەو مەرگت ئەبات، تکایە لەسەرخۆبە        
هاتوچۆی سلێمانی ئاماده‌كاری بۆ رۆژانی جه‌ژن ده‌كات
Wednesday, August 30, 2017

هاتوچۆ - مەریوان اسماعیل

بەڕێوەبەرایەتی هاتوچۆی سلێمانی بەبۆنەی جەژنی قوربانەوە پیرۆزبایی لەسەرجەم هاوڵاتییان دەکات و هیوای جەژنێکی پڕخۆشی و کامەرانی بۆ هەموو لایەک دەخوازێت و بەوبۆنەیەوە بەڕێوەبەرایەتی هاتوچۆی سلێمانی ئامادەکاری بۆ رۆژانی جەژن دەکات.



رائدی هاتوچۆ(كاروان محمد صدیق) ووته‌بێژی هاتوچۆی پارێزگای سلێمانی به‌ ماڵپه‌ری هاتوچۆی راگه‌یاند: هاتوچۆی سلێمانی ئاماده‌كاری بۆ پشوه‌كانی رۆژانی جه‌ژنی قوربانی كردووه‌ ئه‌ویش به‌ سود وه‌رگرتن له‌ تواناكانی ئه‌فسه‌ران و رێپێدراوان و كارمه‌ندانی هاتوچۆ، بۆ ریكخستنی ره‌وشی هاتوچۆ له‌ شه‌قامه‌كانی نزیک ئەو گۆڕستانانەی کە لۆدیان دەکەوێتە سەر لە ڕۆژانی جەژندا هەروەها ڕێکخستنی هاتوچۆ لەناوشارو سەرجەم ڕێگاوبانەکان و سەیرانگاکان، ووته‌بێژی هاتوچۆی سلێمانی ئه‌وه‌شی راگه‌یاند كه‌ ئۆتۆمبێل و ماتۆرسكیل و فلات و کرێن فلاتەکانی هاتوچۆ  له‌و رۆژانه‌دا له‌ ئه‌ركدا ده‌بن.

رائدی هاتوچۆ (كاروان محمد ) ووتیشی تیمی فرۆكه‌وانی هاتوچۆ له‌ ئه‌رك و فه‌رماندا ده‌بن بۆ چاودێریكردنی شه‌قام و رێگاوبانه‌كان و بۆ گواستنه‌وه‌ی برینداره‌كان له‌ هه‌ر رووداوێكی هاتوچۆیی نه‌خوازراودا و بەهەمان شێوە  تیمەکانی ڕاگەیاندنی هاتوچۆی سلێمانی لە ئەرک فەرماندا دەبن بۆ پێدانی ڕێنمایی و هۆشیاری هاتوچۆیی بە شۆفێران و هاوڵاتییان، ووته‌بێژی هاتوچۆی سلێمانی جه‌ختی له‌وه‌ش كرده‌وه‌ كه‌ كامێراكانی چاودێریكردنی خێرایی له‌ رۆژانی جه‌ژندا له‌ ئه‌رك و فه‌رماندا ده‌بن.


سه‌باره‌ت به‌ رێنمایكردنی شۆفێران ووته‌بێژی هاتوچۆی سلێمانی رایگه‌یاند: لێخوڕینی ئوتومبیل  بەبێ مۆڵەتی شۆفێری و ماتۆڕسکیلی بێ تابلۆ لێپێچینەوەی تووندیان لەگەڵ دەکرێت و ڕووبەڕووی یاسا دەکرێنەوە، هەروەها ماتۆڕسوار پێویستە جل و بەرگ و کڵاوی تایبەت بە ماتۆڕسواری بەکاربهێنێت بە پێچەوانەوە تووشی سزای یاسایی دەبن.







لەگەڵ هەموو ئەوانەشدا شۆفێری كردن له‌ ژێر كاریگه‌ری مه‌ی نۆشیدا قه‌ده‌غه‌یه‌ و سه‌رپێچیكار رووبه‌رووی لێپرسینه‌وه‌ی یاسایی ده‌بێته‌وه‌ ،پێویسته‌ شۆفێران پابەندی خێرایی دیاریكراو بن له‌ كاتی شۆفێریدا ،ناشبێت ئۆتۆمبێلی دوا به‌تاڵ بۆ گواستنه‌وه‌ی سه‌رنشین به‌كار بێت، هەروەها پارک كردن و راگرتنی ئۆتۆمبێل به‌شێوه‌ی نایاسایی وبەکارهێنانی‌ ئۆتۆمبێلی بارهه‌ڵگری گه‌وره‌ بۆ سه‌ردانیکردن و هاتوچۆ كردن له‌ كۆڵانه‌كاندا قه‌ده‌غه‌یه‌.

تێبینی / شۆفێران و هاوڵاتییان لەکاتی بوونی هەر ڕووداوێکی هاتوچۆدا دەتوانن پەیوەندی بە ژمارە ١٨٨ کۆنترۆڵی هاتوچۆوە بکەن و ٢٤ کاتژمێر لە خزمەتی هاوڵاتییاندا دەبین.






ژماره‌ی بینین‌ : 1308
زیاتر...
ئاگادارییەک لە هاتوچۆی سلێمانییەوە بۆ سەرجەم شۆفێران و هاوڵاتییان ...
ئاگاداریەك لە بەرێوەبەرایەتی هاتوچۆی سلێمانیەوە ...
هاتوچۆی سلێمانی ئامارەکانی ساڵی ٢٠١٧ ی ڕاگەیاند ...
ئاگادارییەک بۆ سەرجەم دەزگاکانی ڕاگەیاندن ...
بەڕێوەبەری هاتوچۆی سلێمانی سەردانی بەڕێوەبەرێتی قەزای پێنجوێنی کرد ...
ترافیكەكانی پەرینەوەی هاوڵاتیان كەوتنە كار ...
سلێمانی كار بۆ رێكخستنی هاتوچۆی خوێندكاران دەكات ...
بەڕێوەبەری هاتوچۆی سلێمانی پەیوەندی کردەوە بە کارەکەیەوە ...
خەڵاتی رێزلێنان بەخشرا بە ژمارەیەك ئەفسەری هاتوچۆ ...
ژمارەیەک فێرخواز بۆگەشتێکی زانستی سەردانی هاتوچۆی سلێمانیان کرد ...
123456