لەکاتی شۆفێریدا، هاوکاری ئامبوڵانس بکە و ڕێگەکەی بۆ چۆڵ بکە.         □ بەکارهێنانی مۆبایل لەکاتی شۆفێریدا تووشی کارەساتت ئەکات         □ شۆفێری بەڕێز: بەستنی پشتێنی دڵنیایی ژیانت ئەپارێزێت         □ شۆفێری بەڕێز: خێرایی زۆر بەرەو مەرگت ئەبات، تکایە لەسەرخۆبە        
ڕێکخراوی کەمئەندامانی کوردستان (لقی سلێمانی) سووپاسی هاتووچۆی سلێمانییان کرد
Wednesday, January 15, 2020
‌هاتووچۆ - هێمن سالار

ئەمڕۆ ژمارەیەک خاوەن پێداویستی تایبەت سەر بە ڕێکخراوی کەمئەندامانی کوردستان (لقی سلێمانی) سەردانی بەرێوەبەرایەتی هاتووچۆی سلێمانییان کرد و لەلایەن بەڕێوەبەری هاتووچۆی سلێمانی و ژمارەیەک ئەفسەرو کارمەند پێشوازییان لێکرا.
مەبەست لە سەردانەکەیان سووپاسکردنی بەڕێوەبەرایەتی هاتووچۆی سلێمانی بوو لە پای کار ئاسانی و پێشکەشکردنی خزمەتگوزاری هاتووچۆیی  بۆ سەرجەمیان بێ جیاوازی.
(سامان حسێن) سکرتێری یەکێتی کەمئەندامان سوپاس و پێزانینی بەناوی خۆیی و سەرجەم هاوڵاتییانی خاوەن پێداویستی تایبەت ئاراستەی بەڕێوەبەرایەتی هاتووچۆی سلێمانی کرد و گووڵی  ڕێزو خۆشەویستی کە دروستکراوی دەستی خۆیان بوو پێشکەشی بەڕێوبەری هاتووچۆی سلێمانیان کرد.
عمیدی مافناس (فەرەیدوون عومەر ئەحمەد) لای خۆیەوە بەخێرهاتنی کردن و رایگەیاند کە ئەفسەران و کارمەندانی هاتووچۆ بەگشتی ئەرکی خۆیان جێبەجێ دەکەن و بەخۆشحاڵییەوە بەردەوام دەبن لەوەی هاوکاری خاوەن پێداویستییە تایبەتەکان بکەن لە چوارچێوەی یاسادا. 

فۆتۆ: هەرێم عبدالرحمن 
























ژماره‌ی بینین‌ : 2995