هەڵمەتی هۆشیاری هاتووچۆی سلێمانی بەردەوامی هەیە

لە چوارچێوەی كاروچالاییەكانی هەڵمەتی هۆشیاری هاتووچۆی سلێمانی كە لە ڕۆژی (18/10/2018)وە دەستیپێكردوە‌و تا (18/11/2018) بەردەوامی دەبێت، ئەمڕۆ (12/11/2018) ڕائیدی هاتووچۆ (كاروان محەمەد صدیق) وتەبێژی هاتووچۆی سلێمانی‌و ڕائیدی هاتووچۆی یاسایی (ئەحمەد عەزیز حەمەئەمین) لە قوتابخانەی سۆرانی بنەڕەتی سیمینارێكیان بۆ ژمارەیەك لە بەڕێوەبەر‌و مامۆستای قوتابخانەكانی سنوری پەروەردەی ڕۆژهەڵاتی سلێمانی ساز كرد، لە سیمینارەكەدا  تیشك خرایە سەر گرنگی هەڵمەتەكە بۆ هۆشیار كردنەوەی شۆفێران‌و پابەندبوونیان بەیاسا‌و ڕێنماییەكانی هاتووچۆ، هاوكات ئاماژە بەهەوڵەكانی هاتووچۆی سلێمانی درا بۆ كەمكردنەوە‌و بنەبڕكردنی سەرپێچییەكانی هاتووچۆ.