قایمقامی سلێمانی سەردانی بەڕێوەبەرایەتی هاتوچۆی سلێمانی کرد

بەڕێز (ئاوات محمد غفور) قایمقامی سلێمانی بەیاوەری لیژنە هاوبەشە باڵاکانی قائیمقامییەت و چەند بەڕێوەبەری بەڕێوەبەرایەتییەکانی ناوشاری سلێمانی سەردانی هاتووچۆی سلێمانییان کرد بەمەبەستی پیرۆزبایی کردن لە عمیدی مافناس ( فریدون عمر احمد) بە دەست بەکاربوونی وەک بەڕێوەبەری نوێی بەڕێوەبەرایەتی هاتووچۆی پارێزگای سلێمانی. 

لە پەراوێزی سەردانەکەدا وێڕای پیرۆزبایی کردن، بەڕێوەبەری هاتووچۆی سلێمانی تیشکی خستە سەر بارودۆخ و ڕەوشی سیستەمی هاتووچۆ لە سلێمانی و ئەو گیروگرفتانەی ڕۆژانە دێنە بەردەمی هاوڵاتییان، هەروەها داوای هاوکاری و هەماهەنگی کردنی قایمقامیەتی مەڵبەندی سلێمانی و فەرمانگە حکومییەکانی کرد بۆ چەسپاندنی یاساکانی هاتووچۆ و بنەبڕکردنی سەرپێچی و دیاردە دزێوەکان لە بواری هاتووچۆدا.