تیمی ڕاگەیاندنی هاتووچۆی سلێمانی سەردانی قوتابخانەی جیهانی بنەڕەتیان كرد

هاتووچۆ - مەریوان اسماعیل
فۆتۆ - بەرهەم محمود
لە چوارچێوەی كار‌و چالاكیەكانی هەڵمەتی هۆشیاری هاتووچۆی پارێزگای سلێمانی كە لەژێر دروشمی (ئامانجمان سزادانتان نیە پەرۆشی سەلامەتیتانین) ماوەی یەك مانگ بەردەوامی دەبێت، ئەمڕۆ (25/10/2018) مقدمی هاتووچۆ (بەختیار محمد عبداللە) بەڕێوەبەری بەشی ڕاگەیاندن‌و پەیوەندییەكانی هاتووچۆی پارێزگای سلێمانی‌و ڕائیدی هاتووچۆ ( كاروان محمد صدیق) وتەبێژی بەڕێوەبەرایەتی هاتووچۆی پاریزگای سلێمانی، سەردانی قوتابخانەی جیهانی سلێمانی بنەڕەتی ناحكومیان كرد‌و سیمینارێكیان بۆ قوتابیانی قوتابخانەكە ڕێكخست، لەسیمینارەكەدا تیشك خرایە سەر ئامانج‌و قۆناغەكانی هەڵمەتەكە‌و مەترسیەكانی ڕوداوەكانی هاتووچۆ، هاوكات لەسیمینارەكەدا چەندین ڕێنمایی‌و هۆشیاری هاتووچۆیی بۆ ئامادەبوان خرایەڕوو، لەكۆتایدا بەڕێوەبەر‌و ستافی ئیدارەی قوتابخانەی جیهانی سلێمانی بنەڕەتی ناحكومی‌و قوتابیانی قوتابخانەكە سوپاسی بەڕێوەبەرایەتی هاتووچۆی پارێزگای سلێمانیان كرد بۆ ئەنجامدانی ئەو هەڵمەتە‌و پەرۆشیان بۆ سەلامەتی هاوڵاتیان.