گرنگی زانینی فریاگوزاری سەرەتایی لەلایەن پۆلیسەوە

کارمەندانی هاتوچۆو پۆلیسی فریاکەوتن زیاتر لەسەر شەقامەکانن و ئەوان زۆربەی کات یەکەم کەس دەبن کەدەگەنە شوێنی رووداوێک، لێرەدا گرنگی کارمەندانی هاتوچۆ و پۆلیسی فریاکەوتن دەردەکەوێت بە چۆنیەتی پێشکەشکردنی فریاگوزاری سەرەتایی بۆ بریندارەکان، لەکاتی گەیشتنی هەر تیمێکیان بێت، تا ئەو کاتەی تیمی فریاگوزاری و تایبەتمەند بە گواستنەوەی بریندارەکان دەگەنە شوێنی رووداوەکە.

چەند ڕێنماییەک بۆ کاتی فریاگوزاری سەرەتایی

١- پێویستە لەکاتی رووداوێکدا پێش هەموو بریندارێکی تر فریاگوزاری بۆ ئەو بریندارانە بکرێت کە تووشی تەنگەنەفەسی یان خوێنبەربوون بوون، وە دیاریکردنی بریندارییەکان و  ڕادەی ترسناکی برینەکە، وە ئاگاداربوون لەشوێنی رووداوەکە کەچی کەلوپەلێکی لێیە بتوانرێت سوودی لێوەربگیرێت.

٢- پێویستە لەهەمان شوێنی رووداوەکە فریاگوزاری بۆبریندارەکە بکرێت لە کاتێکدا نەبێت کە مانەوە لە شوێنی رووداوەکە مەترسی دروست بکات، بۆ نموونە کەوتنەوەی ئاگر، لەم کاتەدا پێویستە بریندارەکە بگوازرێتەوە بۆ شوێنێکی سەلامەت.

٣- نابێت بەهیچ شێوەیەک خواردن و خواردنەوە بدرێت بە بریندارەکە بەبێ ڕەزامەندی دکتۆر، لەبەرئەوەی بەتاڵی گەدەی بریندارەکە ڕەنگە گرنگ بێت بۆ سەرکەوتنی نەشتەرگەری خێرا.

٤- جلەکانی بریندارەکە لامەبە تا فریاگوزاری پێویستی بۆ دەکرێت، لەکاتێکدا نەبێت کە جۆری فریاگوزارییەکە وا بخوازێت کە جلەکان لاببرێن.

٥- پێویستە ئەو کەسەی فریاگوزارییەکە دەکات جۆرو مەترسی برینەکە بەهیچ کەسێک نەڵێت تەنها بە لایەنی پەیوەندیدار نەبێت، هەروەها پیویستە نهێنی نەخۆشەکە نەدرکێنێت.

سەرچاوە: حوادث السير والسلامة المرورية
وەرگێڕانی : هێمن سالار