ئاگادارییەک لە بەڕێوەبەرایەتی هاتووچۆی سلێمانییەوە

بەڕێوەبەرایەتی هاتووچۆی سلێمانی لە پڕۆژەیەکی نوێدا نیازی دانانی کامێرای چاودێری هەیە بۆ ناو بارەگای بەڕێوەبەرایەتی و سەرجەم بەڕێوەبەرێتی و بنکەکانی سەر بە هاتووچۆی سلێمانی، بۆیە ئاگاداری سەرجەم کۆمپانیاکانی تایبەت بە دانانی کامێرای چاودێری دەکەین ئەگەر ئارەزووی بەشداریکردنیان هەیە ئەتوانن لەمڕۆوە سەردانی بارەگای بەڕێوەبەرایەتی هاتووچۆی سلێمانی (بەشی ئایتی) بکەن بەمەبەستی وەرگرتنی دەرخستەی تایبەت بە پڕۆژەکە و دواکات بۆ گەڕاندنەوەی دەرخستەکان ١١/١١/٢٠١٨ دەبێت.

تێبینی/ ئەو شوێنانەی کە کامێراکانی چاودێری بۆ دادەنرێت بریتین لە ( ناو بارەگای بەڕێوەبەرایەتی، ئەندازەی هاتووچۆ، گەراجی دەست بەسەرداگرتن، بنکەکانی هاتووچۆی قەزای شارەزوور، چەمچەماڵ، ماوەت، چوارتا، دەربەندیخان، هەڵەبجە، پێنجوێن و سیدصادق).