لە ڕووداوی هاتووچۆدا

به‌ له‌به‌ر چاوگرتنی ئه‌وه‌ی له‌وانه‌یه‌ یه‌كه‌م كه‌س بیت بگه‌یته‌ شوێنی ڕووداوێك، له‌وانه‌یه‌ یارمه‌تیدانت ببیته‌ هۆی ڕزگاركردنی ژیانی چه‌ند كه‌سانێك له‌ ڕێگای پێشكه‌ش كردنی فریاگوزاری سه‌ره‌تایی.

ئه‌گه‌ر تۆ یه‌كێك بویت له‌ لایه‌نه‌كان لە  ڕووداوێکی هاتووچۆدا یان یه‌كه‌م كه‌س بوویت گه‌یشتیته‌ سه‌ر ڕووداوه‌كه‌، سه‌ره‌تا له‌ شوێنێكی گونجاو و سه‌لامه‌ت بوه‌سته‌. تا هه‌ندێك كار ئه‌نجام بده‌یت له‌وانه‌:

1.    له‌ دووری 50 م له‌ شوێنی ڕووداوه‌كه‌ بوه‌سته‌و گڵۆپی ئاگادار كردنه‌وه‌ (چواری) دابگیرسێنه‌ تا هۆشیاری بده‌یته‌ شۆفێرانی تر.
2.    په‌یوه‌ندی به‌ ژماره‌ (188) كۆنترۆڵی هاتووچۆ بکە  تا له‌ ڕووداوه‌كه‌ ئاگاداریان بكه‌یته‌وه‌.
3.    له‌گه‌ڵ ئه‌و شۆفێرانه‌ی كه‌ دواتر ده‌گه‌نه‌ سه‌ر ڕووداوه‌كه‌ هه‌ماهه‌نگی بكه‌ بۆ به‌شداری كردن له‌ یارمه‌تیدانی به‌ركه‌وتوان.
4.    سێ‌ گۆشه‌ی ئاگاداركردنه‌وه‌ به‌دووری 100 م دابنێ‌ له‌هه‌موو ئاڕاسته‌یه‌كی ڕووداوه‌كه‌ بۆ هۆشیاری شۆفێرانی تر.
5.    له‌و ڕێگایانه‌ی كه‌پێچ و ژێرگوزه‌ر(نه‌فه‌ق- underpass)و به‌رزو نزمیان تێدایه‌ سێ‌ گۆشه‌ی ئاگاداركردنه‌وه‌ له‌ پێش پێچ و ژێر گوزه‌رو به‌رزو نزمیه‌كان دابنێ‌.
6.    ده‌ست بكه‌ به‌ یارمه‌تی دانی برینداران له‌ ڕێگای فریاگوزاری سه‌ره‌تایی.
7.    ناو و ژماره‌ی مۆبایل وئوتومبێل و ئه‌و زانیاریانه‌ی ده‌یزانیت له‌سه‌ر ڕووداوه‌كه‌ بیده‌ره‌ پۆلیسی هاتوچۆو لایه‌نه‌ په‌یوه‌ندیداره‌كان.

8. لەکاتی هەبوونی بریندار لە ڕووداوەکەدا پەیوەندی بە ژمارە (١٢٢) فریاکەوتنی تەندروستی بکە.