زانیاری دەربارەی گۆڕینی مۆڵەتی شۆفێری بیانی

1. مۆڵەتی شۆفێری بیانی ئەگەر هاوڵاتییەکە دانیشتووی هەرێم بێت مۆڵەتەکەی بۆ دەگۆڕدرێت بۆ مۆڵەتی نوێی شۆفێری جۆرەکانی (A,B, BE) لە هەرێم و تەنها بۆ ماوەی یەک ساڵ مۆڵەتی پێ دەدرێت.
2. دوای تەواو بوونی ماوەی یەک ساڵ پێویستە کەسی بیانی مۆڵەتی شۆفێری نوێ دەربکات بەپێی ئەو مەرجانەی کە لەم ڕێنماییە دیاری کراوە و مۆڵەتی شۆفێری لە جۆرەکانی (A,B,BE) بەپێی ماوەی نشینگەکەی پێی دەدرێت.
3. پێویستە کەسی بیانی بڕی ڕسووماتی دیاریکراو لە بڕگەی (٥) ماددەی شەشەمی ڕێنماییەکە بدات. 
4. فەرمانبەرانی بیانی کونسوڵگەرییەکان کە لەهەرێمی کوردستان بوونیان هەیە جگە لە کونسوڵگەرییە فەخرییەکان مۆڵەتی شۆفێرییان پێ دەدرێت بەپێی بڕگەکانی (١ و ٢) ی ئەم خاڵانە. 

تێبینی: پێویستە کەسی بیانی نشینگەی فەرمی هەرێمی کوردستانی هەبێت و بەسەرنەچووبێت.  

 زانیاری دەربارەی بەكارهێنانی مۆڵەتی بیانی لە هەرێمی کوردستان

1.دەبێت مۆڵەتەكە  وەربگێڕدرێت بۆ زمانی كوردی وە لە لایەن وەرگێڕی یاساییەوە پشت ڕاست كرابێتەوە  .
2.پاشان سەردانی بەڕێوەبەرایەتی هاتوچۆی سلێمانی / بەشی مۆڵەت بكات و مۆڵەتە وەرگێڕاوەكە و ڕەسەنەكەی و پاسپۆرتەكەی لە گەڵ خۆی بهێنێت ، مۆڵەتێكی كاتی پێدەدرێت بۆ ماوەی (1) ساڵ .