هاتوچۆی سلێمانی ئاماری شەش مانگی رابردووی ئاشكرا كرد

هاتوچۆ:مەریوان ئیسماعیل 
فۆتۆ:بەرهەم مەحمود
گرافیک:رەوەند عوسمان

بەڕێوەبەرایەتی هاتوچۆی سلێمانی لە كۆنگرەیەكی رۆژنامەوانیدا، ئامارەكانی شەش مانگی رابردووی ساڵی (2018) ی ئاشكرا كرد.
رۆژی پێنج شەممە ڕێكەوتی (28-6-2018) بەرێوەبەرایەتی هاتوچۆی سلێمانی بە ئامادەبوونی ژمارەیك لە كەناڵەكانی راگەیاندن و تەلەفزیۆنەكان . لە بارەگای هاتوچۆی سلێمانی  كۆنگرەیەكی رۆژنامەوانی سازكرد، لە كۆنگرەكەدا رائیدی هاتوچۆ (كاروان محمد صدیق) وتەبێژی هاتوچۆی سلێمانی سەرجەم ئامارەكانی ڕووداو و ژمارەی قوربانیان و داهات و خەرجی و كاروچالاكیەكانی هاتوچۆی پارێزگای سلێمانی بۆ شەش مانگی رابردووی ساڵی (2018) خستەڕوو، بەجۆرێك رووداوەكانی هاتوچۆ و ژمارەی قوربانیان بەرامبەر بە شەش مانگی یەكەمی ساڵی (2017) كەمیان كردووە, 

هاوكات داهات و خەرجی هاتوچۆ زیادیانكردووە هەروەها تۆماری یەكەمجاری بەرێژەیەكی بەرچاو زیادی كردووە.