بەڕێوەبەرایەتی هاتووچۆی سلێمانی بەدواداچوون بۆ کێشەکانی ڕێگای کەرکووک - سلێمانی دەکات

ئەمڕۆ 26.11.2018 بەڕێوەبەری هاتووچۆی سلێمانی عمیدی مافناس (فەرەیدون عمر احمد) بە یاوەری  (ڕووناک محمد شریف) بەڕێوبەری ڕێگاوبان و ئەندازیاری ڕاوێژکار ( طیب جبار) شارەزای بواری ڕێگاوبان و هەریەک لە بەڕێوەبەری ئامارو پلاندانان و قەزای ناوەند و ڕادیۆی ترافیک و ئەندازەی هاتووچۆ و لێپرسراوی راگەیاندن و لێپرسراوی بنکەی بازیان سەردانی ڕێگای نێوان کەرکووک - سلێمانیان کرد.

لەسەردانەکەیاندا لە سەرجەم کیشەو گرفتەکانی ئەو شەقامەیان کۆڵیەوە و بڕیاری ئەوەیاندا کێشەکانی ئەو شەقامە سەرەکییە چارەسەربکەن، ئەمەش دوای ئەوە دێت کە لە ماوەی ڕابردوودا چەند ڕووداوێکی هاتووچۆ لەو سنوورەدا ڕوویانداو کە بووە هۆکار بۆ گیان لەدەستدان و برینداربوونی ژمارەیەک شۆفێر و سەرنشین.