سیمینارێكی تایبەت بە هۆشیار كردنەوەی هاوڵاتیان لە مەترسیەكانی هاتووچۆ سازكرا

لە چوارچێوەی كارو چالاكیەكانی هەڵمەتی هۆشیاریی هاتووچۆی پارێزگای سلێمانی، ئەمڕۆ (5/12/2018) لە ئامادەیی سیتەكی تێكەڵ لە ناحیەی سیتەك بە ئامادەبوونی (تریفە محەمەد) بەڕێوەبەری پەروەردەی شارباژێڕ، سیمینارێكی تایبەت بە هۆشیار كردنەوەی هاوڵاتیان لە مەترسیەكانی ڕووداوەكانی هاتووچۆ لەلایەن ئەنجومەنی نوسینگەكانی فێركاری شۆفێری سازكرا، سیمینارەكە بە بەشداری هەریەكە لە ڕائیدی هاتووچۆ (كاروان محەمەد صدیق) ووتەبێژی هاتووچۆی پارێزگای سلێمانی‌و مامۆستا (ئاسۆ كەمال محەمەد) شارەزا لە بواری هاتووچۆ بەڕێوەچوو، تێیدا چەندین ڕێنمایی‌و هۆشیاری هاتووچۆیی‌و مەترسیەكانی ڕووداوەكانی هاتووچۆ لەسەر ژیانی هاوڵاتیان بۆ ئامادەبوانی سیمینارەكە خرایە ڕوو كە لە مامۆستایان‌و فەرمانبەران‌و خوێنكارانی قوتابخانەی ئامادەیی سیتەكی تێكەڵ پێکهاتبوون.