ئاگادارییەك بۆ ئەو هاوڵاتیانەی ئۆتۆمبێل بە هاوڵاتیانی ناوەراست و باشووری عێراق دەفرۆشن

بەڕێوەبەرایەتی هاتووچۆی پارێزگای سلێمانی ئاگاداری سەرجەم ئەو خاوەن ئۆتۆمبێلە بارهەڵگرانە دەكاتەوە كە ئۆتۆمبێلەكانیان بە هاوڵاتیانی ناوەڕاست‌و باشوری عێراق فرۆشتووە‌و لە ئێستادا لە پارێزگاكانی دەرەوەی هەرێمی كوردستان ژمارەیان بۆ وەرگیراوە‌و جارێكی دیكە تۆماركراون، وە تا ئێستا لەسەر هاوڵاتیانی هەرێم ناویان ماوە لە بەڕێوەبەرایەتیەكانی هاتووچۆ، ئەگەر لە پارێزگاكانی ناوەڕاست‌و باشوری عێراقەوە وەڵامی تۆماركردنیان گەڕایەوە بۆ هاتووچۆكانی هەرێم، دەتوانن سەردانی بەڕێوەبەرایەتیەكانی باجی دەرامەت بكەن‌و نوسراو بهێنن بۆ هاتووچۆ بۆ ئەوەی ئاگاداریان بكەینەوە كە لە ئێستادا ئەو ئۆتۆمبێلانە ژمارەی نوێیان بۆ وەرگیراوە.