بەڕێوەبەری هاتووچۆی ئیدارەی ڕاپەڕین سەردانی هاتووچۆی سلێمانی کرد

هاتووچۆ - هێمن سالار

سەرلەبەیانی ئەمڕۆ 24.12.2018 عمیدی هاتووچۆ (حسن سوارە) بەڕێوەبەری هاتووچۆی ئیدارەی ڕاپەڕین سەردانی بەڕێوەبەرایەتی هاتووچۆی سلێمانی کرد و چاوی کەوت بە عمیدی مافناس ( فەرەیدەون عومەر ئەحمەد) بەڕێوەبەری هاتووچۆی پارێزگای سلێمانی.

مەبەست لە سەردانەکەیان پتەوکردنی پەیوەندییەکانی هەردوو بەڕێوەبەرایەتییەکە بوو بۆ پێشختنی کەرتی هاتووچۆ و بواری هاتووچۆ و هەماهەنگی زیاتر لە ئێستاو لە ئایندەدا، هەروەها پرسی تۆمارکردن و گواستنەوەی خاوەنداریەتی ئوتومبیل وە میکانیزمەکانی کە چۆن بگیرێتە بەر وە چۆن لە سنووری ئیدارەی ڕاپەڕین ئەو کارە هونەرییە جێبەجێ بکرێت کە پێویستی بە هەماهەنگی هەردوو بەڕێوەبەرایەتییەکە هەیە.