هاتووچۆی سلێمانی تاوتووێی گۆڕینی ئاڕاستەی شەقامەكانی كرد

هاتووچۆ: مەریوان ئیسماعیل
ئەمڕۆ 5.2.2019 كۆبوونەوەی عمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانی بەئامادەبوونی ژمارەیەك ئەفسەری بەڕێوەبەرایەتی هاتووچۆ‌و بەڕێوەبەرانی هاتووچۆی ناوشار‌و بەشی ڕاگەیاندن‌و پەیوەندییەكان‌و ڕادیۆی ترافیك‌و هونەری‌و ڕێگاوبانی دەرەوە‌و بەشی كامێراكان لە بینای بەڕێوەبەرایەتی هاتووچۆی پارێزگای سلێمانی بەمەبەستی ئامادەكردنی بەیاننامەی كۆتایی گۆڕانكاری لەسەر شەقامەكانی شاری سلێمانی بەڕێوەچوو، كە لەماوەی چوار ڕۆژی ڕابردوودا بەشێوەی ئەزمونی، گۆڕانكاری لە ئاڕاستەی هەندێك لەشەقامەكانی ناو شاری سلێمانیدا كرا بۆ كەمكردنەوەی قەرەباڵغی‌و لۆد لەسەر شەقامەكان.
بڕیاریشە ئەمڕۆ كاتژمێر ٠١:٠٠ی پاش نیوەڕۆ لە بینای قائیمقامیەتی سلێمانی كۆنگرەیەكی ڕۆژنامەوانی ڕێكبخرێت‌و تێیدا ئەنجامی ئەو گۆڕانكارییە دوای تەواوبوونی قۆناغە ئەزمونییەكە بۆ ڕاگەیاندنەكان ڕونبكرێتەوە‌و بڕیار بدرێت لەسەر دوا گۆڕانكاری لە ئاڕاستەی شاقامەكانی شاری سلێمانی.