لە هاتووچۆی سلێمانی خولێكی تایبەت بەئامێری پشكنینی مەی نوشی بەڕێوەچوو

هاتووچۆ: مەریوان ئیسماعیل
فۆتۆ: ڕەنج محەمەد
لە بەڕێوەبەرایەتی هاتووچۆی پارێزگای سلێمانی خولێكی تایبەت بەچۆنێتی بەكارهێنانی ئامێری پشكنینی مەی نوشی بۆ سەرجەم كارمەندانی مەفرەزەكانی هاتووچۆی سلێمانی ئەنجامدرا.
ئەمڕۆ (12/3/2019) كۆمپانیای (یونی مێكس)ی تایبەت بەهاوردەكردن‌و چاك كردنەوەی ئامێری پشكنینی مەی نۆشی، لە بەڕێوەبەرایەتی هاتووچۆی پارێزگای سلێمانی خولێكی تایبەتی بە چۆنێتی بەكارهێنانی ئامێری پشكنینی مەی نوشی بەشێوەیەكی دروست‌و سەردەمیانە بۆ سەرجەم ئەفسەران‌و كارمەندانی مەفرەزەكانی هاتووچۆی سلێمانی ئەنجامدا، خولەكە لەلایەن (هەڤاڵ محەمەد عەلی) خاوەنی كۆمپانیای هاوردەكردن‌و چاك كردنەوەی ئامێری مەی نوشی‌و بەسەرپەرشتی نەقیبی هاتووچۆ (میران حەسەن) لێپرسراوی هۆبەی ئایتی بەڕێوەچوو.