هەڵمەتی دەست بەسەراگرتنی ماتۆڕسکیلی بێ سەرەتا دەستێپێکرد

هاتوچۆ|مەریوان ئیسماعیل

لە چوارچێوەی هەڵمەتی بەڕێوه بەرایەتی هاتووچۆی پارێزگای سلێمانی بۆ دەست بەسەراگرتنی ماتۆڕسکیلی بێ سەرەتاو لێخوڕینی ماتۆڕسکیل بێ موڵەت و سزادانی ئەو شۆفێری ماتۆڕسکیلانەی پێداویستی تایبەت بەلێخوڕینی ماتۆڕسکیل بەکارناهێنن. ئەمڕۆ 6/6/2019 بەسەرپەرشتی ڕاستەوخۆی عەمیدی مافناس (فەرەیدون عومەر ئەحمەد) بەڕێوەبەری هاتووچۆی سلێمانی هەڵمەتی دەست بەسەراگرتنی ئەو جۆرە ماتۆڕسکیلانە دەستی پێکردو دەست گیرا بەسەر دەیان ماتۆڕسکیلدا، بەوتەی بەڕێوەبەری هاتووچۆی سلێمانی مەبەست لە ئەنجامدانی ئەو هەڵمەتە کەمکردنەوەی دیاردەی زۆربووی ماتۆڕی بێ سەرەتاو ئەو جۆرە ماتۆڕسکیلانەی کە بوونەتە بێزارکردنی هاوڵاتیان، هەروەها بۆ کەمکردنەوەی ڕوداوی هاتووچۆ، جەختی لەوەشکردەوە، کە هەڵمەتەکە لە ڕۆژانی دوای جەژنیش بەردەوامی دەبێت.