ۆرکشۆپی رووداوەکانی هاتوچۆ زەنگێکی مەترسیداری بەردەوام

رۆژی سێ شەممە رێکەوتی ٢-٧-٢٠١٩ رێکخراوەکانی کۆمەڵی مەدەنی بە بەشداری بەرێوەبەرێتییە پەیوەندی دارەکان وەک و هاتوچۆ و رێگەو بان و تەندروستی و ژمارەیەک لە شارەزایانی بواری هاتوچۆ و  رۆشنبیران و  پەرلەمان تاران  ۆرکشۆپکیان لە ژێر ناوی (رووداوەکانی هاتوچۆ و وەک زەنگێکی مەترسیداری بەردەوام ) ساز کرد 

یەعقوب کامکی محمود ) یەکێک لە رێکخەرانی ۆرکشۆپەکە بە مالپەری هاتوچۆی سلێمانی راگەیاند   ، مەبەست لە ۆرکشۆپەکە هەوڵدانە بۆ کەمکردنەوەی رووداوەکانی هاتوچۆ کە لە ئێستادا رووداوەکانی هاتوچۆ بۆتە زەنگێکی مەترسیداری بەردەوام بۆ گیان لە دەستدان و بریندار بوونی شۆفێران و هاوڵایتیان ،هاوکات ئەم ۆرک شۆپە هەوڵێکە بۆ تاوتوێ کردنی هۆکارەکانی رووداوەکان هاتوچۆ و خراپی رێگەو بانەکان ، 

جەختی لەوەش کردەوە لە وۆرکشۆپەکەدا هەوڵدەدرێت کۆنوسێکی هەمەلایەنەی پێشنیار و راسپاردە ئامادە بکرێ ئاراستەی حکومەتی هەرێم و لایەنە پەیوەندیدارەکان بکرێت ، بۆ ئەوەی بە زووترین کات هەوڵ بدرێت رووداوەکانی هاتوچۆ کەم بکەنەوە 

هاوکات هەریەکە لە (عبدالفتاح هەورامی) مامۆستای کۆلێژی پزیشکی زانکۆی سلێمانی و( د.کازم فاروق ) ئەندام پەرلەمانی کوردستان و ( ئیبراهیم عزیز) بەرێوەبەری گشتی ریگەو بانی سلێمانی و رائدی هاتوچۆ (کاروان محمد سدیق ) وتەبێژی بەرێوەبەرایەتی هاتوچۆی سلێمانی بەشداریان لە ۆرکشۆپەکەدا کرد و هەر یەکەیان راو بۆچونی خۆیان سەبارەت بە رووداوەکان و خراپی رێگەوبانەکان و هەوڵەکان بۆ کەمکردنەوەی رووداوەکانی هاتوچۆ خستە روو.