کۆبوونەوەی بەڕێوەبەری هاتووچۆی سلێمانی لەگەڵ ئەفسەرانی هاتووچۆی سلێمانی

هاتووچۆ - هەرێم عبدالرحمن 
فۆتۆ|کاروان بەشان

ئەمڕۆ 9/7/2019 عمیدی مافناس (فەرەیدوون عومەر ئەحمەد) بەڕێوەبەری هاتووچۆی پارێزگای سلێمانی لەگەڵ بەڕێوەبەری بەڕێوەبەرێتییەکانی هاتووچۆی ناوشار و قەزای ناوەند و بەشێک لە ئەفسەرانی هاتووچۆی سلێمانی کۆبووەوە. 

بەڕێوەبەری هاتووچۆی پارێزگای سلێمانی رایگەیاند کە ئامانج لە کۆبوونەوەکە باشتر ڕاپەڕاندنی ڕەوشی هاتووچۆیە لەسەر شەقام و شاڕێکان، لەهەمان کاتدا بۆ کەمکردنەوەی سەرپێچی هاتووچۆیی پلانێکی گشتگتیر دەگرنە بەر بۆ کەمکردنەوەی ڕێژەی سەرپێچی هاتووچۆ لەناو شۆفیرانی سەرپێچیکار، ئەمەش بە هەماهەنگی لەگەڵ تیمی کامێراکان و مەفرەزەکان و ئەفسەری بازگەو کەرتەکان ئەنجام دەدرێت. 
لای خۆشیانەوە هەریەک لە بەڕێوەبەرانی بەڕێوەبەرێتییەکان ئامادەیی خۆیان دەربڕی بۆ ئەو پلانەی کە بەڕێوەبەری هاتووچۆی سلێمانی ئامانجییەتی.