هه‌ڵمه‌تی به‌رگرتن له‌ڕووداوی هاتووچۆو فریاگوزاری سه‌ره‌تایی ڕاگه‌یاندرا

فۆتۆ: ئاراس نصرالدین
ئه‌مڕۆ به‌ئاماده‌بونی پارێزگاری سلێمانی‌و به‌ڕێوەبه‌ری هاتووچۆی پارێزگای سلێمانی‌، به‌سه‌رپه‌رشتی پارێزگاری سلێمانی‌و به‌هاوكاری لایه‌نه‌ په‌یوه‌ندیداره‌كانی هاتوچۆو ته‌ندروستی سلێمانی هه‌ڵمه‌تێك له‌ژێر دروشمی (به‌رگرتن له‌ڕووداوه‌كانی هاتووچۆو فریاگوزاری سه‌ره‌تایی) له‌لایه‌ن گروپی ئه‌لسه‌رد ئه‌نجامدرا.
عه‌میدی مافناس (فه‌ریدون عومه‌ر ئەحمەد) به‌ڕێوه‌به‌ری هاتووچۆی پارێزگای سلێمانی له‌میانی پێشكه‌شكردنی ووته‌كه‌یدا ڕایگه‌یاند: له‌سه‌رەتای ئه‌م مانگه‌وه‌ تاوه‌كو ئه‌مڕۆ (23/7/2019)، (17) هاوڵاتی به‌هۆی ڕووداوی هاتووچۆ گیانیان له‌ده‌ستداوه‌، كه‌ زۆرترین ڕێژه‌ی قوربانیه‌كانی ڕووداوی هاتووچۆیه‌، به‌به‌راورد به‌مانگه‌كانی ڕابردووی ئه‌مساڵ.