خەڵاتی ڕێزلێنان بە ژمارەیەك نوسینگەی شۆفێری بەخشرا

هاتووچۆ: مەریوان ئیسماعیل
ژمارەیەك نوسینگەی شۆفێری بەهۆی پابەندبونیان بە ڕێنماییەكان‌و ڕۆڵی كاریگەریان لە ڕاهێنانی فێرخوازاندا لەلایەن بەڕێوەبەرایەتی هاتووچۆی پارێزگای سلێمانیەوە خەڵاتی ڕێزلێنانیان پێ‌ بەخشرا.
ڕۆژی پێنج شەممە ڕێكەوتی (29/8/2019) عەمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانی بە ئامادەبوونی ژمارەیەك لە ئەفسەرانی هاتووچۆ، خەڵاتی سوپاس‌و پێزانینی بەڕێوەبەرایەتی هاتووچۆی سلێمانی بەخشیە (9) نوسینگەی فێركردنی شۆفێری، ئەویش بەبۆنەی بەرزی ڕێژەی دەرچوانی فێرخوازان لە تاقیكردنەوەكانی پراكتیكی‌و پابەندبونیان بە ڕێنماییەكان‌و ڕۆڵی كارایان لە ڕاهێنانی فێرخوازاندا.
ڕیزبەندی ڕێژەی دەرچوانی فێرخوازان لە تاقیكردنەوەی پراكتیكی نوسینگەكاندا بەم شێوەیەیە:
نوسینگەی قەڵا ڕێژەی دەرچون (%72)
 نوسینگەی شێواز ڕێژەی دەرچون (%66)
نوسینگەی پێنجوێن ڕێژەی دەرچون (%65)
 نوسینگەی ئارۆس ڕێژەی دەرچون (%61)
نوسینگەی سانۆ ڕێژەی دەرچون (%60)
 نوسینگەی لازۆ ڕێژەی دەرچون (%59)
 نوسینگەی تەكیە ڕێژەی دەرچون (%59)
 نوسینگەی ترافیك ڕێژەی دەرچون (%56)
 نوسینگەی لێوان ڕێژەی دەرچون (%56).

فۆتۆ: ئاراس نصرالدین