ئاگادارییەك لە هاتووچۆی سلێمانیەوە بۆ کۆمپانیاکانی بواری ترافیک لایت

بەڕێوەبەرایەتی هاتووچۆی پارێزگای سلێمانی بە نیازە لە ماوەی داهاتوودا چاكسازی (صیانە)ی ترافیك لایتەكانی شاری سلێمانی‌و قەزا‌و ناحیەكان بكاتەوە كە بریتین لە (50) سێت ترافیك لایتی یەكتر بڕو (30) سێت ترافیك لایتی پەڕینەوە، بەو بۆنەیەشەوە بەڕێوەبەرایەتی هاتووچۆی سلێمانی ئاگاداری سەرجەم ئەو كۆمپانیایانە دەكاتەوە كە تایبەتمەندیان هەیە لە بواری (ترافیك لایت)دا، لە دوای بڵاوکردنەوەی ئەم ئاگادارییە ئەتوانن سەردانی بەشی یاسا بكەن لە بەڕێوەبەرایەتی هاتووچۆی سلێمانی، بەمەبەستی پێشكەشكردنی داواكاری بۆ ئەو مەبەستە، دوا بەرواریش بۆ گەڕاندنەوەی داواكارییەكان ڕۆژی (19/9/2019) دەبێت كاتژمێر (11)ی پێش نیوەڕۆ.