ئاگادارییەک لە بەڕێوەبەرایەتی هاتووچۆی سلێمانییەوە بۆ شۆفێرانی بارهەڵگر

بەڕێوەبەرایەتی هاتووچۆی پارێزگای سلێمانی ئاگاداری شۆفێری ئەو ئوتومبیلانە دەکات کە ئوتومبیلی بارهەڵگری قەبارەی چوار تەن بەرەو سەرەوەیان پێیە لە ڕۆژی شەممەوە واتە بەرواری 21/9/2019 لە کاتژمێر ٧:٣٠ بۆ ٨:٣٠ ی بەیانی هاتنە ناوەوە بۆ شەقامی بازنەیی مەلیک محمود و سەنتەری شار قەدەغەیە، جگە لە ڕۆژانی هەینی و پشووە فەرمییەکان.

دەرکردنی ئەم بڕیارە لە لایەن هاتووچۆی سلێمانییەوە لە پێناو بەرژەوەندی گشتیدایە بە هۆی دەستپێکردنی وەرزی خوێندن و سەلامەتی گیانی هاوڵاتییان و نەهێشتنی دروست بوونی لۆدی زۆر لەو کاتەی کە دیاریکراوە.