ئاگاداریەك لە هاتووچۆی سلێمانیەوە بۆ گشت شۆفێری سوارڕەو‌و بارهەڵگرەكان

وەك تێبینی دەكرێت ماوەیەكە ژمارەیەكی  زۆر بارهەڵگر لە غەسالەكانی (خێوەتە‌و مۆكەبە)وە كەرەستەی چەو‌و لم دەگوازنەوە بۆ شاری سلێمانی بە ڕێگای قەیوان دا، وە زۆربەی ئەو بارهەڵگرانە سەحالیان هەیە بەڵام وەك پێویست داینابەزێنن‌و بەردەوام بوونی ئەو دیاردەیە دەبێتە هۆی خراپبوونی ڕێگاوبانەكان لە زووترین كاتدا، بۆیە لە وێستگەكانی كێشی تایبەت بە بارهەڵگرەكان كارمەندانی وێستگەكە كاراتر ڕەچاوی ئەو حاڵەتانە دەبن‌و ڕێنماییەكانی وەزارەتی ئاوەدانكردنەوە‌و نیشتەجێ كردن كە تایبەتە بەو بارهەڵگرانە جێبەجێ‌ دەكەن، هەروەها مەفرەزەكانی بەڕێوەبەرێتی هاتووچۆی قەزای ناوەند/سلێمانی بەووردی‌و كاراتر لێپێچینەوە لە شۆفێرانی سەرپێچیكار لەسەر ئەو پرسە دەكەن، بۆیە خوازیارین شۆفێرانی بەڕێز زیاتر هەست بە بەرپرسیارێتی بكەن‌و هاوكاربن لە پاراستنی ڕێگاوبانەكان كە هەمووان لێوەی سوودمەندبن‌و خۆیان بە دووربگرن لە لێپرسینەوەی یاسایی.