پرۆژەی ناشتنی 1000 نەمام دەستی پێكرد

فۆتۆ - ئاراس نصرالدین
بەڕێوەبەرایەتی هاتوچۆی پارێزگای سلێمانی بە ئامادەبوونی بەرێوەبەری هاتوچۆی پارێزگای سلێمانی و  ژمارەیەك لە كەسایەتی بەرچاوی شاری سلێمانی لە (مامۆستایانی ئاینی ، هونەرمەندان ) بەهەماهەنگی سەرۆكایەتی شارەوانی تاسڵوجەو بەسپۆنسەری( گروپی كۆمپانیاكانی قەیوان) پرۆژەی ناشتنی  هەزار نەمامی خستەبواری جێبەجێكردنەوە..
عەمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانی لەمیانی دەستپێكی پرۆژەكەدا ڕایگەیاند: بەرێوەبەرایەتی هاتوچۆی پارێزگای سلێمانی بەهاوبەشی سەرۆكایەتی شارەوانی تاسڵوجە و بەهاوكاری كەرتی تایبەت ئەمرۆ دەستی بە ناشتنی 1000 نەمام لەبەردەم بەرێوەبەرایەتی هاتوچۆی سلێمانی و لەسەر رێگەی( تاسڵوجە – كەڵەوانان) كرد.
ووتیشی ، ئامانج لە پرۆژەكە پاكڕاگرتنی ژینگەیە كە ئۆتۆمبیل ئێستا هۆكارێكی سەرەكی پیسكردنی ژینگەیەو پرۆژەكە لێرە كۆتایی نایەت ، بەڵكو بەهەماهەنگی بەرێوەبەرایەتی هاتوچۆو شارەوانی تاسڵوجە ئەركی بەخێوكردنی نەمامەكان لەئەستۆدەگرن.
لە سەرەتای دەستپێكی هەڵمەتی ناشتنی هەزار  نەمام بەشێكی بەرچاو لە ئەفسەرو كارمەندانی هاتوچۆو،كارمەندانی  شارەوانی تاسڵوجە بە ناشتنی نەمام بەشداریان كرد.