بڕیاری لێخۆشبون بۆ ئه‌و كه‌سانه‌ی به‌هۆی كه‌ره‌نتینه‌وه‌ غه‌رامه‌یان كه‌وتوه‌ته‌سه‌ر درێژكرایه‌وه‌

عه‌میدی مافپه‌روه‌ر فه‌ره‌یدون عومه‌ر، به‌ڕێوه‌به‌ری هاتوچۆی پارێزگای سلێمانی، به‌ ماڵپەڕی هاتووچۆی سلێمانی راگه‌یاند، بڕیاری لێخۆشبون بۆ ئه‌و كه‌سانه‌ی مامەڵەی تۆماری یەکەمجار و نوێکردنەوەی مۆڵەتی شۆفێریان هەیە و به‌هۆی كه‌ره‌نتینه‌وه‌ غه‌رامه‌یان كه‌وتوه‌ته‌ سه‌ر، تاوه‌كو 1-7-2020 درێژكراوه‌ته‌وه‌. 

هەروەها رایگەیاند، "له‌ئێستادا مۆڵه‌تی ئه‌نجامدانی مامه‌ڵه‌كان، تاوه‌كو ١ ی ٧ درێژكراوه‌ته‌وه‌ و شۆفێران ده‌توانن تا ئه‌وكاته‌، سه‌ردانی هاتوچۆ بكەن و مامه‌ڵه‌كانیان جێبه‌جێ بکەن.