هەواڵ

ڕێكخراوی بزاڤی ئاشتی سلێمانی(بان) سەردانی هاتووچۆی سلێمانی كرد

2020-07-23 2005

هاتووچۆ: مەریوان ئیسماعیل
فۆتۆ|کاروان بەشان

ڕۆژی پێنج شەممە بەرواری (23/7/2020) سەرۆك‌و ئەندامانی ڕێكخراوی بزاڤی ئاشتی سلێمانی سەردانی بەڕێوەبەرایەتی هاتووچۆی سلێمانیان كرد، لەلایەن عەمیدی مافناس (فەرەیدون عومەر ئەحمەد) بەڕێوەبەری هاتووچۆی پارێزگای سلێمانیەوە پێشوازیان لێكرا.
مەبەست لەسەردانی ڕێكخراوەكە بۆ هاتووچۆی سلێمانی، سازدانی مەڕاسیمێكی ڕێزلێنان بوو لە بەڕێوەبەری هاتووچۆی پارێزگای سلێمانی لەپای ئەو خزمەت‌و كاروچالاكییانەی كە بەشێوەیەكی دڵسۆزانە‌و بەردەوام بەپارێزگای سلێمانی گەیاندووە.
لای خۆشییەوە عەمیدی مەفناس (فەرەیدون عومەر ئەحمەد)بەڕێوەبەری هاتووچۆی سلێمانی ، سوپاس‌و پێزانینی خۆی ئاڕاستەی سەرۆك‌و ئەندامانی ڕێكخراوەكە كردو بەڵێنیدا كە بەهەمان شێوەی ڕابردوو بەردەوام دەبێت لەخزمەتكردنی شاری سلێمانی دا.