هەواڵ

هاتووچۆی سلێمانی ژمارەیەك ماتۆڕسكیلی پانكراوە بەزیادكردنی ئاشكرا دەفرۆشێت

2021-01-20 2749

هاتوچۆ|مەریوان ئیسماعیل

پشت بەستن بە ڕێنمایی مامەڵەكردنی هۆكارەكانی گواستنەوەی دەست بەسەردا گیراو‌و جێهێڵدراوی ژمارە (1)ی ساڵی (2016)ی وەزارەتی ناوخۆ، بەڕێوەبەرایەتی هاتووچۆی پارێزگای سلێمانی هەڵدەستێت بە فرۆشتنی (2072) دوو هەزار‌و حەفتاو دوو ماتۆڕكسیل ی پانكراوە بە شێوەی (ئاسن) كە بەزیادكردنی ئاشكرا دەفرۆشرێت، بە ڕەچاوكردنی ئەم خاڵانەی خوارەوە:
1- پرۆسەی زیادكردنی ئاشكرا لە گۆڕەپانی دەست بەسەرداگرتنی بەڕێوەبەرایەتی هاتووچۆی سلێمانی ئەنجام دەدرێت، لە بەرواری (2/2/2021) لە كاتژمێر (10)ی سەر لە بەیانی.
2- هەر كەسێك ئارەزووی بەشداربونی لە زاردكردنەكەدا هەبێت پێویستە بڕی (%10)ی نرخی خەمڵێنراو وەك بارمتە بەچەكی پەسەندكراو پێشكەش بە لیژنەكە بكات.
3- گشت خەرجییەكانی بڵاوكردنەوەی زیادكردنەكە لە ڕۆژنامەكاندا دەكەوێتە ئەستۆی كڕیار.
4- دەبێت كڕیار لە ماوەی (5) پێنج ڕۆژدا سەرجەم ماتۆڕسكیلە پانكراوەكان بباتە دەرەوەی گەراجی دەست بەسەرداگرتن، پاش تێپەڕبونی ئەو ماوەیە بڕی (150000) سەد‌و پەنجا هەزار دینار وەردەگیرێت وەك سزای دواكەوتن بۆ هەر ڕۆژێك.

زیاتر بخوێنەرەوە

هەرێمی کوردستان رێنمایی نوێی تۆمارکردنی تاکسی دەخاتە بواری جێبەجێکردن

شەقامی خزمەتگوزاری بەرامبەر دادگای سلێمانی بەهۆی ڕۆچوونەوە لەلایەن سەرۆکایەتی شارەوانی سلێمانییەوە بەربەست کرا

ئاگادارییەک لە بەڕێوەبەرایەتی هاتووچۆی سلێمانی بۆ سەرجەم دەزگاکانی ڕاگەیاندن و شۆفێرانی بەڕێز