کردنەوەی سندوقی هاوکاری ڕێکخراوی منداڵپارێزی کوردستان

2022-07-18     1663
کاتی کردنەوەی سندوقی هاوکاری منداڵپارێزی کوردستان

ڕێکخراوی منداڵپارێزی کوردستان لە زۆربەی فەرمانگە حکومەییەکان و ناوەندە بازرگانییەکان و شوێن و جێگا گشتییەکان سندوقی کۆمەکی فەراهەم کردووە بەمەبەستی بەشداریکردنی هاوڵاتییان لە هاوکاری و کۆمەک کردنی منداڵانی نەخۆش و کەمدەرامەت و خوێندنگاکان و نەخۆشخانەکان و کاری نەشتەرگەری منداڵانی تووشبوو بە شێرپەنجەو بەرنامەکانی پاراستنی منداڵان و چەندین کاری خێرخوازی بۆ منداڵان لە چەندین بواردا. 
رۆژی یەکشەممە ڕێکەوتی  ١٨/٠٧/٢٠٢٢ڕێکخراوی منداڵپارێزی کوردستان هەستان بە کردنەوەی ئەو سندوقەی لە بەڕێوەبەرایەتی هاتووچۆی پارێزگای سلێمانیدا بوونی هەبوو بە ئامادەبوونی نوێنەر و لیژنەیەکی بەڕێوەبەرایەتیمان و وەرگرتنی ئەو پارەیەی هاوڵاتییان پێشکەشیان کردبوو بە سندوقەکە. 

شایەنی باسە ئەو هاوکارییانەی لە ساڵانی نێوان ٢٠١٦ – ٢٠٢١ بەم شێوەیە سوودی بە منداڵان گەیاندووە:
1.  هاوکاریکردنی نەخۆشخانەی منداڵان بە بڕی ٩٧،٢٠٧،٥٠٠ نەوەد و حەوت ملیۆن و دوو سەدو حەوت هەزار و پێنج سەد دینار 
2.  (٤٠٤) چوار سەدو چوار منداڵ نەشتەرگەری بۆ ئەنجام دراوە بە بڕی (٧٦٢،٠٩١،٠٠٠) حەوت سەدو شەست و دوو ملیۆن و نەوەدو یەک هەزار دینار
3.  هاوکاریکردنی (١١٠٨) منداڵی تووشبوو بە شێرپەنجە بە بڕی ( ٢٧٦،٤١٢،٥٠٠) دوو سەد و حەفتاو شەش ملیۆن و چوار سەدو دوانزە هەزار و پێنج سەد دینار) 
4.  هاوکاریکردنی (١٧٣٢) منداڵی بەرنامەی پاراستنی منداڵ بە بڕی ( ٥٢٤،٨٩٧،٥٠٠) پێنج سەدو بیست و چوار ملیۆن و هەشت سەدو نەوەد و حەوت هەزار و پێنج سەد دینار.
5.  سوودمەندبوونی (٧١٥) منداڵ لە هاوکاری خوێندنگاکان بە بڕی (٢٣،٣٠٠،٠٠٠) بیست و سێ ملیۆن و سێ سەد هەزار دینار) 


راگەیاندنی بەڕێوەبەرایەتی هاتووچۆی سلێمانی

© 2022 Sultraffic.com, All right reserved    -     Developed By Kurdsoft