ئاگادارییەك لە بەڕێوەبەرایەتی هاتوچۆی پارێزگای سلێمانیەوە

2022-08-17     9200
وێنەی ئوتومبیلەکان لە گەراجی دەست بەسەرداگرتن

بە پشت بەستن بە ڕێنمایی وەزارەتی ناوخۆ ژمارە ( 1 ) ی ساڵی ( 2016 )
 بەڕێوەبەرایەتی هاتووچۆی پارێزگای سلێمانی هەڵدەستێت بە فرۆشتنی ( 91 ) نەوەدو یەك ئۆتۆمبیلی دەست بەسەردا گیراو لە گەراجی دەست بەسەرداگرتنی بەڕێوەبەرایەتیمان ، هەر كەسێك ئارەزووی كڕینی ئەم ئۆتۆمبیلانەی هەیە، دەتوانێت بەشدار بێت لە پرۆسەی زیادكردنی ئاشكرادا، بە ڕەچاوكردنی ئەم خاڵانەی لای خوارەوە:
1.    كەسی بەشداربوو دەبێت چەكی پەسەندكراو ئامادە بكات لە ڕۆژی زیادكرنی ئاشكراكە.
2.    كڕیار گشت خەرجییەكانی بڵاوكردنەوەی زیادكردنی ئاشكراكە دەگرێتە ئەستۆ .
3.    دەبێت كڕیار لە ماوەی ( 14 ) چواردە ڕۆژ دا سەرجەم ئۆتۆمبیلەكان بە سكراب ( بە  سێ‌ پارچە ) بباتە دەرەوەی گەراجەكە و پاش تێپەربوونی ئەو ماوەیە ڕۆژانە بڕی (یەك ملیۆن ) دینـــــار سزای دواكەوتنی لێ‌ وەردەگیرێت.
4.    پرۆسەی زیادكردنی ئاشكراكە لە ڕێكەوتی 1  / 9 / 2022 لە كاتژمێر ( 10 ) ی سەر لە بەیانی لە گەراجی دەست بەسەرداگرتنی بەڕێوەبەرایەتی هاتوچۆی پارێزگای سلێمانی لە ناوچەی پیشە سازی سلێمانی ئەنجام دەدرێت.
5.    پرۆسەی سكرابكردنی ئۆتۆمبیلەكــــــــان دەبێت لە لایەن كڕیارەوە ئەنجام بدرێت ولە ڕێكـــــــــەوتی 4 / 9 / 2022 دەست پێ دەكات  تا وەكو 18 / 9 / 2022  كۆتایی بێ بێت

ڕۆژانە لە كـاتژمێر ( 8 ) ی بەیانی تا ( 6 ) ی ئێوارە ڕێگەپێدراوە لە ناو گـەراجەكە ئەو كارە بكرێت. 
 

© 2022 Sultraffic.com, All right reserved    -     Developed By Kurdsoft