کردنەوەی سندوقی هاوکاری ڕێکخراوی منداڵپارێزی کوردستان

2023-08-29     1128

ڕێکخراوی منداڵپارێزی کوردستان لە زۆربەی فەرمانگە حکومییەکان و ناوەندە بازرگانییەکان و شوێن و جێگا گشتییەکان سندوقی کۆمەکی فەراهەم کردووە بەمەبەستی بەشداریکردنی هاوڵاتییان لە هاوکاری و کۆمەک کردنی منداڵانی نەخۆش و کەم دەرامەت و خوێندنگاکان و نەخۆشخانەکان و کاری نەشتەرگەری منداڵانی تووشبوو بە شێرپەنجەو بەرنامەکانی پاراستنی منداڵان و چەندین کاری خێرخوازی بۆ منداڵان لە چەندین بواردا. 

ئەمڕۆ سێشەممە ڕێکەوتی ٢٩/٠٨/٢٠٢٣ ڕێکخراوی منداڵپارێزی کوردستان هەستان بە کردنەوەی ئەو سندوقەی لە بەڕێوەبەرایەتی هاتووچۆی پارێزگای سلێمانیدا بوونی هەبوو بە ئامادەبوونی نوێنەر و لیژنەیەکی بەڕێوەبەرایەتیمان و وەرگرتنی ئەو پارەیەی هاوڵاتییان پێشکەشیان کردبوو بە سندوقەکە کە بڕی (٣١٨.٠٠٠) سێ سەدو هەژدە هەزار دیناری عێراقی بوو. 

 ئەو هاوکارییانەی هاوڵاتییان پێشکەشیان کردووە لە ساڵانی نێوان ٢٠١٦ – ٢٠٢٢ بەم شێوەیەی خوارەوە سوودی بە منداڵان گەیاندووە:


1.  هاوکاریکردنی نەخۆشخانەکانی منداڵان بە بڕی ( ١٠٥.٣٥٠.٠٠٠ ) سەدو پێنج ملیۆن و سێ سەدو پەنجا هەزار دیناری عێراقی
2.  (٥١٠) پێنج سەد و دە منداڵ نەشتەرگەری بۆ ئەنجام دراوە بە بڕی (٩٣٢.٣٣٣.٠٠٠)  نۆ سەدو سی و دوو ملیۆن و سێ سەدو سی و سێ هەزار دیناری عێراقی
3.  هاوکاریکردنی (١١٥٨) منداڵی تووشبوو بە شێرپەنجە بە بڕی ( ٣٠٧.٠١٢.٥٠٠) سێ سەدو حەوت ملیۆن و دوانزە هەزار و پێنج سەد دیناری عێراقی
4.  هاوکاریکردنی (١٩٠٠) منداڵی بەرنامەی پاراستنی منداڵ بە بڕی (٥٣٤.٩٠٠.٠٠٠) پێنج سەد و سی و چوار ملیۆن و نۆ سەد هەزار دیناری عێراقی. 
5.  سوودمەندبوونی (٨٠٥) منداڵ لە هاوکاری خوێندنگاکان بە بڕی (٣٠.٠٠٠.٠٠٠) سی ملیۆن دیناری عێراقی


راگەیاندنی بەڕێوەبەرایەتی هاتووچۆی سلێمانی

© 2024 Sultraffic.com, All right reserved    -     Developed By Kurdsoft