سەرلەبەیانی ئەمڕۆ یەکشەممە 19/4/2026 کۆبوونەوەیەکی بەرفراوان لە هۆڵی کۆبوونەوەکانی بەڕێوەبەرایەتی هاتووچۆی سلێمانی ڕێکخرا لەلایەن بەڕێوەبەری هاتووچۆی پارێزگای سلێمانی (عەمید نەوزاد عەلی کەریم) لەگەڵ هەردوو بەڕێوەبەر و ئەفسەرانی بەڕێوەبەرێتیەکانی هاتووچۆی ناوشار (ڕۆژهەڵات – ڕۆژئاوا).
لە کۆبوونەوەکەدا بەڕێوەبەری هاتووچۆ هەردوو بەڕێوەبەرێتییەکەی ئاراستەکرد بۆ بەدواداچوونی گرفتە هاتووچۆییەکانی ناوشاری سلێمانی و جەختیکردەوە لە پێویستی هاوکاریکردنی هاوڵاتییان و لێپرسینەوەی زیاتر لە دیاردە دزێو و نایاساییەکان و سەرپێچییەکانی هاتووچۆ بەشێوەیەکی گشتی.